maslahat ke hazaar parde hain — Makhmoor Saeedi

bas yunhi ham-sari-e-ahl-e-jahaan mumkin hai
dam-ba-dam apni bulandi se utartaa jaaun

'makhmur' kaisi raah thi ham jis pe chal paDe
aai thi jis taraf se usi samt phir gai

main us ke vaade kaa ab bhi yaqin kartaa huun
hazaar baar jise aazmaa liyaa main ne

ho jaae jahaan shaam vahin un kaa baseraa
aavaara parindon ke Thikaane nahin hote

ghar mein rahaa thaa kaun ki rukhsat kare hamein
chaukhaT ko alvidaaa kahaa aur chal paDe

dil pe ik gham ki ghaTaa chhaai hui thi kab se
aaj un se jo mile TuuT ke barsaat hui