ye apne dil ki lagi ko bujhaane aate hain — Makhmoor Saeedi

dil pe ik gham ki ghaTaa chhaai hui thi kab se
aaj un se jo mile TuuT ke barsaat hui

— Makhmoor Saeedi

bas yunhi ham-sari-e-ahl-e-jahaan mumkin hai
dam-ba-dam apni bulandi se utartaa jaaun

— Makhmoor Saeedi

'makhmur' kaisi raah thi ham jis pe chal paDe
aai thi jis taraf se usi samt phir gai

— Makhmoor Saeedi

main us ke vaade kaa ab bhi yaqin kartaa huun
hazaar baar jise aazmaa liyaa main ne

— Makhmoor Saeedi

ho jaae jahaan shaam vahin un kaa baseraa
aavaara parindon ke Thikaane nahin hote

— Makhmoor Saeedi

maslahat ke hazaar parde hain
mere chehre pe kitne chehre hain

— Makhmoor Saeedi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

chaand ne taan li hai chaadar-e-abr
ab vo kapDe badal rahi hogi

— Jaun Elia

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal