jahaan jahaan koi urdu zabaan boltaa hai — Mansoor Usmani

haalaat kyaa ye tere bichhaDne se ho gae
lagtaa hai jaise ham kisi mele mein kho gae

aankhon se mohabbat ke ishaare nikal aae
barsaat ke mausam mein sitaare nikal aae

mujh se dilli ki nahin dil ki kahaani suniye
shahr to ye bhi kai baar luTaa hai mujh mein

apni taarif suni hai to ye sach bhi sun le
tujh se achchhaa tiraa kirdaar nahin ho saktaa

pahle to us ki yaad ne sone nahin diyaa
phir us ki aahaTon ne kahaa jaagte raho

shabnam ki jagah aag ki baarish ho magar ham
'mansur' na maangeinge duaa aur tarah ki

jab ki pahlu se yaar uThtaa hai
dard be-ikhtiyaar uThtaa hai

rahti hai saath saath koi khush-gavaar yaad
tujh se bichhaD ke teri rifaaqat gai nahin

haan ye mumkin hai magar itnaa zaruri bhi nahin
jo koi pyaar mein haaraa vahi fankaar huaa

khud apni shai pe adhuraa hai ikhtiyaar mujhe
giraa to saktaa huun aansu uThaa nahin saktaa

chashm-e-giryaan ki aabyaari se
dil ke daaghon pe phir bahaar aai

go zaraa si baat par barson ke yaaraane gae
lekin itnaa to huaa kuchh log pahchaane gae