ahl-e-mahshar dekh luun qaatil ko to pahchaan luun — Manzar Lakhnavi

vo to kahiye aap ki ulfat mein dil bahlaa rahaa
varna duniyaa chaar din bhi rahne ke qaabil na thi

muddaton baa'd kabhi ai nazar aane vaale
iid kaa chaand na dekhaa tiri surat dekhi

kam-sini kyaa kam thi is par qahr hai shakki mizaaj
apnaa naavak mere dil se khinch kar dekhaa kiye

daaman-o-jeb-o-garebaan kaa nahin koi malaal
gham ye hai dast-e-junun kal ke liye kaam nahin

qafas mein jab zaraa jhapki miri aankh
yahi dekhaa nasheman jal rahaa hai

kisi aankh mein niind aae to jaanun
miraa qissa-e-gham kahaani nahin hai