hai dil mein zulf-e-yaar ke aalam ko dekhiye — Maroof Dehlvi

dard-e-sar mein hai kise sandal lagaane kaa dimaagh
us kaa ghisnaa aur lagaanaa dard-e-sar ye bhi to hai

havaa ke ghoDe pe jab vo savaar hote hain
to paa ke vaqt main kyaa kyaa maze uDaataa huun

teri aankhon ke tasavvur mein hai sair-e-kaunain
varna ham log idhar ke idhar ho ke rahte

kaaba-o-dair ko apnaa to yahin se hai salaam
dar-ba-dar kaun phire yaar ke dar ke hote

ghaflat mein javaani gai piiri mein huaa hosh
kyuun kar na khule aankh sahar hi to hai aakhir

main ne aahein bharin to ruk ke kahaa
ghar mein dhuni si kyaa lagaa di hai

jab ki pahlu se yaar uThtaa hai
dard be-ikhtiyaar uThtaa hai

abhi to baat karo ham se doston ki tarah
phir ikhtilaaf ke pahlu nikaalte rahnaa

yaaro hamaaraa haal sajan siin bayaan karo
aisi tarah karo ki use mehrbaan karo

'amir' jaate ho but-khaane ki ziyaarat ko
paDegaa raah mein kaaba salaam kar lenaa

main muddaton jiyaa huun kisi dost ke baghair
ab tum bhi saath chhoDne ko kah rahe ho khair

dost-daar-e-dushman hai e'timaad-e-dil maalum
aah be-asar dekhi naala naa-rasaa paayaa