aalaa mein to adnaa ke havaale hi havaale — Mashkoor Husain Yaad

khush na ho aansuon ki baarish par
barq hai chashm-e-tar ke pahlu mein

behtar hai ki ab khud se judaa ho ke bhi dekhein
dariyaa mein to dariyaa kaa havaala nahin miltaa

naqaab uThaao to har shai ko paaoge saalim
ye kaaenaat ba-taur-e-hijaab TuTti hai

in ashkon kaa dil se kyaa taalluq
ye shoale jigar se aa rahe hain

hamaare aasmaan kaa har sitaara sab pe raushan hai
kisi zakhm-e-mohabbat ko nihaan ham ne nahin rakkhaa

aansu aansu jis ne dariyaa paar kiye
qatra qatra aab mein uljhaa baiThaa hai