khush na ho aansuon ki baarish par — Mashkoor Husain Yaad

behtar hai ki ab khud se judaa ho ke bhi dekhein
dariyaa mein to dariyaa kaa havaala nahin miltaa

naqaab uThaao to har shai ko paaoge saalim
ye kaaenaat ba-taur-e-hijaab TuTti hai

aalaa mein to adnaa ke havaale hi havaale
adnaa hi mein aalaa kaa havaala nahin miltaa

in ashkon kaa dil se kyaa taalluq
ye shoale jigar se aa rahe hain

hamaare aasmaan kaa har sitaara sab pe raushan hai
kisi zakhm-e-mohabbat ko nihaan ham ne nahin rakkhaa

aansu aansu jis ne dariyaa paar kiye
qatra qatra aab mein uljhaa baiThaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

yaarab tu us ke dil se sadaa rakhiyo gham ko duur
jis ne kisi ke dil ko kabhi shaadmaan kiyaa

baDaa ghaaTe kaa saudaa hai 'sadaa' ye saans lenaa bhi
baDhe hai umr jyun-jyun zindagi kam hoti jaati hai

mohabbat ke marizon kaa mudaavaa hai zaraa mushkil
utartaa hai 'sadaa' un kaa bukhaar aahista aahista