mujh mein ab meri jagah baaqi nahin — Mehar Ali

us ek lamhe mein ai dost saath saath hain ham
vo ek lamha jo imkaan mein nahin aayaa

ye soch kar vujud faraamosh kar diyaa
khud se milaa to teri tamanna karungaa main

main nahin jaantaa kahaan huun main
in dinon khud se raabta hi nahin

ik 'umr tere saath chalaa bhi to kyaa milaa
ab sochtaa huun tujh se bichhaD kar hi dekh luun

zard se sabz hotaa jaataa hai
ik shajar intizaar se niklaa

anginat naqsh banaa leinge ye naqqaash magar
husn mahtaab kaa mahtaab mein rah jaaegaa