ik baar us ne mujh ko dekhaa thaa muskuraa kar — Mela Ram Wafa

aalam hai tire partav-e-rukh se ye hamaaraa
hairat se hamein shams-o-qamar dekh rahe hain

din judaai kaa diyaa vasl ki shab ke badle
lene the ai falak-e-pir ye kab ke badle

itni tauhin na kar meri balaa-noshi ki
saaqiyaa mujh ko na de maap ke paimaane se

kahnaa hi miraa kyaa hai ki main kuchh nahin kahtaa
ye bhi tumhein dhokaa hai ki main kuchh nahin kahtaa

go qayaamat se peshtar na hui
tum na aae to kyaa sahar na hui

tum bhi karoge jabr shab o roz is qadar
ham bhi kareinge sabr magar ikhtiyaar tak