go qayaamat se peshtar na hui — Mela Ram Wafa

aalam hai tire partav-e-rukh se ye hamaaraa
hairat se hamein shams-o-qamar dekh rahe hain

din judaai kaa diyaa vasl ki shab ke badle
lene the ai falak-e-pir ye kab ke badle

itni tauhin na kar meri balaa-noshi ki
saaqiyaa mujh ko na de maap ke paimaane se

kahnaa hi miraa kyaa hai ki main kuchh nahin kahtaa
ye bhi tumhein dhokaa hai ki main kuchh nahin kahtaa

ik baar us ne mujh ko dekhaa thaa muskuraa kar
itni to hai haqiqat baaqi kahaaniyaan hain

tum bhi karoge jabr shab o roz is qadar
ham bhi kareinge sabr magar ikhtiyaar tak

aankhon mein meri subh-e-qayaamat gai jhamak
siine se us pari ke jo parda ulaT gayaa

hijr ki shab haath mein le kar charaagh-e-maahtaab
DhunDhtaa phirtaa huun gardun par sahar milti nahin

dekhnaa taa'bir mein har subh ko sahraa ki pyaas
raat ko phir apne khvaabon mein samundar dekhnaa

subh tak raat ki zanjir pighal jaaegi
log paagal hain sitaaron se ulajhnaa kaisaa

miT jaaegaa sehr tumhaari aankhon kaa
apne paas bulaa legi duniyaa ik din

pistaan ko tere dekh ke miT jaae phir hubaab
dariyaa mein taa-ba-sina agar tu nahaae subh