vahi hai ikhtilaaf-e-baahami ki anjuman ab to — Mohammad Taha Khan

haae qismat january maangi to july mili
haal kaa taalib huaa maazi tamannaai mili

— Mohammad Taha Khan

daur-e-jamhuri mein bangladesh jaanaa thaa tujhe
aksariyyat chhoD kar zaalim idhar paidaa huaa

— Mohammad Taha Khan

is dafa bachcha samajh kar chhoDe detaa huun tujhe
maar Daalungaa agar baar-e-digar paidaa huaa

— Mohammad Taha Khan

jaan-e-izraail ab nakhron kaa tere gham karun
yaa main tujh par sura-e-yaasin paDh kar dam karun

— Mohammad Taha Khan

sabab is kaa jo puchhaa doctor-saahab ne farmaayaa
bahut aage gae baaqi jo hain tayyaar baiThe hain

— Mohammad Taha Khan

laDi is ThaaT se mankuha-e-kaafir-bayaan meri
farishte likhte likhte chhoD bhaage daastaan meri

— Mohammad Taha Khan

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal

tum aake lauT gae phir bhi ho yahin maujud
tumhaare jism ki khushbu mire makaan mein hai

— Abbas Dana

ye zindagi hai apni kabhi khush kabhi udaas
is kashmakash se mujh ko khudaayaa rihaai de

— Zebunnisaa Zaibii

sitam to ye hai ki vo bhi na ban sakaa apnaa
qubul ham ne kiye jis ke gham khushi ki tarah

— Qateel Shifai

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'