kaun si baat hai tum mein aisi — Mohsin Naqvi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

tumhein jab ru-ba-ru dekhaa kareinge
ye sochaa hai bahut sochaa kareinge

mausam-e-zard mein ek dil ko bachaaun kaise
aisi rut mein to ghane peD bhi jhaD jaate hain

baDi umr ke baa'd in aankhon mein koi abr utraa tiri yaadon kaa
mire dil ki zamin aabaad hui mire gham kaa nagar shaadaab huaa

zabaan rakhtaa huun lekin chup khaDaa huun
main aavaazon ke ban mein ghir gayaa huun

azal se qaaem hain donon apni zidon pe 'mohsin'
chalegaa paani magar kinaara nahin chalegaa