tumhein jab ru-ba-ru dekhaa kareinge — Mohsin Naqvi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

mausam-e-zard mein ek dil ko bachaaun kaise
aisi rut mein to ghane peD bhi jhaD jaate hain

kaun si baat hai tum mein aisi
itne achchhe kyuun lagte ho

baDi umr ke baa'd in aankhon mein koi abr utraa tiri yaadon kaa
mire dil ki zamin aabaad hui mire gham kaa nagar shaadaab huaa

zabaan rakhtaa huun lekin chup khaDaa huun
main aavaazon ke ban mein ghir gayaa huun

azal se qaaem hain donon apni zidon pe 'mohsin'
chalegaa paani magar kinaara nahin chalegaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

daur-e-ishrat ne sanvaare hain ghazal ke gesu
fikr ke pahlu magar gham ki badaulat aae

main us ke baare mein itnaa ziyaada sochtaa huun
ki ek roz use ru-ba-ru to honaa hai

na aai baat tak bhi munh pe roab-e-husn-e-jaanaan se
hazaaron soch kar mazmun ham darbaar mein aae

film ki gardish se tasvirein badalti hi rahin
umr-e-rafta kaa na aayaa phir vo manzar saamne