kahaan milegi misaal meri sitamgari ki — Mohsin Naqvi

azal se qaaem hain donon apni zidon pe 'mohsin'
chalegaa paani magar kinaara nahin chalegaa

tumhein jab ru-ba-ru dekhaa kareinge
ye sochaa hai bahut sochaa kareinge

mausam-e-zard mein ek dil ko bachaaun kaise
aisi rut mein to ghane peD bhi jhaD jaate hain

kaun si baat hai tum mein aisi
itne achchhe kyuun lagte ho

baDi umr ke baa'd in aankhon mein koi abr utraa tiri yaadon kaa
mire dil ki zamin aabaad hui mire gham kaa nagar shaadaab huaa

sirf haathon ko na dekho kabhi aankhein bhi paDho
kuchh savaali baDe khuddaar huaa karte hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gul kiyaa jis ne vo thaa aur magar
shama ne shikva havaaon se kiyaa

kuchh is tarah ke bahaaron ne gul khilaae hain
ki ab to fasl-e-bahaaraan se Dar lage hai mujhe

khvaab galiyon mein phir rahe the aur
log apne gharon mein soe the

ishq-e-mizhgaan mein hazaaron ne gale kaTvaae
id-e-qurbaan mein jo vo le ke chhuri baiTh gayaa