bastiyaan kaise na mamnun hon divaanon ki — Mukhtar Siddiqui

nur-e-sahar kahaan hai agar shaam-e-gham gai
kab iltifaat thaa ki jo khu-e-sitam gai

kyaa kyaa pukaarein sisakti dekhin lafzon ke zindaanon mein
chup hi ki talqin kare hai ghairat-mand zamir hamein

sahar-e-azal ko jo di gai vahi aaj tak hai musaafiri
ai tai karein to pata chale kahaan kaun kis ki talab mein hai

meri aankhon hi mein the an-kahe pahlu us ke
vo jo ik baat suni meri zabaani tum ne

main to har dhuup mein saayon kaa rahaa huun juuyaa
mujh se likhvaai saraabon ki kahaani tum ne

kabhi faaslon ki masaafaton pe ubuur ho to ye kah sukun
miraa jurm hasrat-e-qurb hai to yahi kami yahaan sab mein hai