sahar-e-azal ko jo di gai vahi aaj tak hai musaafiri — Mukhtar Siddiqui

bastiyaan kaise na mamnun hon divaanon ki
vusatein in mein vahi laate hain viraanon ki

nur-e-sahar kahaan hai agar shaam-e-gham gai
kab iltifaat thaa ki jo khu-e-sitam gai

kyaa kyaa pukaarein sisakti dekhin lafzon ke zindaanon mein
chup hi ki talqin kare hai ghairat-mand zamir hamein

meri aankhon hi mein the an-kahe pahlu us ke
vo jo ik baat suni meri zabaani tum ne

main to har dhuup mein saayon kaa rahaa huun juuyaa
mujh se likhvaai saraabon ki kahaani tum ne

kabhi faaslon ki masaafaton pe ubuur ho to ye kah sukun
miraa jurm hasrat-e-qurb hai to yahi kami yahaan sab mein hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yuun to maujud apne ghar mein hai
aadmi mustaqil safar mein hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein aise kai marhale bhi aate hain
har ek moD pe kuchh log chhuT jaate hain

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

yahin se raah koi aasmaan ko jaati thi
khayaal aayaa hamein siDhiyaan utarte hue