rozgaar-e-‘ishq bhi ik kaam hai lekin huzur — Mumtaz Iqbal

aah vo aankhein ravaan dariyaa hain aur aisaa ki bas
Duub kar achchhe-bhale tairaak ho jaate hain ham

— Mumtaz Iqbal

aap jaam-e-tishnagi bhar dijiye aghyaar kaa
aur yuun kiije hamein auron se kam de dijiye

— Mumtaz Iqbal

khaak se tabdil ho kar aab ho jaate hain ham
us badan-dariyaa mein jab gharqaab ho jaate hain ham

— Mumtaz Iqbal

miTTi ki taa'zim karo to aur takabbur karti hai
kankar patthar jaise aadam-zaad khudaa ho jaate hain

— Mumtaz Iqbal

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh