aah vo aankhein ravaan dariyaa hain aur aisaa ki bas — Mumtaz Iqbal

aap jaam-e-tishnagi bhar dijiye aghyaar kaa
aur yuun kiije hamein auron se kam de dijiye

khaak se tabdil ho kar aab ho jaate hain ham
us badan-dariyaa mein jab gharqaab ho jaate hain ham

rozgaar-e-‘ishq bhi ik kaam hai lekin huzur
aap apne ghar kaa ik darbaan kar diije mujhe

miTTi ki taa'zim karo to aur takabbur karti hai
kankar patthar jaise aadam-zaad khudaa ho jaate hain

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

jitnaa tumhaaraa zarf hai mil jaaungaa tumhein
dariyaa bhi meraa ruup hai qatra bhi dastyaab