vasl mein bhi nahin majaal-e-sukhan — Munawar Khan Ghafil

apne majnun ki zaraa dekh to be-parvaai
pairahan chaak hai aur fikr silaane ki nahin

kucha-e-jaanaan mein yaaro kaun suntaa hai miri
mujh se vaan phirte hain laakhon daad aur be-daad mein

kaun dariyaa-e-mohabbat se utar saktaa hai paar
kashti-e-farhaad aakhir koh se Takraa gai

baad marne ke miri qabr pe aayaa 'ghaafil'
yaad aai mire iisaa ko davaa mere baad

jite-ji qadr bashar ki nahin hoti saahab
yaad aaegi tumhein meri vafaa mere baad

sitaare gum hue khurshid niklaa
araq jab yaar ne ponchhaa jabin se