Munawar Khan Ghafil

ji men aata hai mai-kashi kiije
taak kar koi saya-dar darakht

agar uryani-e-majnun pe aata rahm laila ko
bana deti qaba vo chaak kar ke parda mahmil ka

nikla na dagh-e-dil se hamara to koi kaam
na vo charagh-e-dair na sham-e-haram hua

ba.ad marne ke miri qabr pe aaya 'ghafil'
yaad aa.i mire iisa ko dava mere ba.ad

jite-ji qadr bashar ki nahin hoti sahab
yaad aa.egi tumhen meri vafa mere ba.ad

vasl men bhi nahin majal-e-sukhan
is rasa.i pe na-rasa hain ham

sitaare gum hue khurshid niklaa
araq jab yaar ne ponchhaa jabin se

apne majnun ki zaraa dekh to be-parvaai
pairahan chaak hai aur fikr silaane ki nahin

kucha-e-jaanaan mein yaaro kaun suntaa hai miri
mujh se vaan phirte hain laakhon daad aur be-daad mein

kaun dariyaa-e-mohabbat se utar saktaa hai paar
kashti-e-farhaad aakhir koh se Takraa gai

baad marne ke miri qabr pe aayaa 'ghaafil'
yaad aai mire iisaa ko davaa mere baad

vasl mein bhi nahin majaal-e-sukhan
is rasaai pe naa-rasaa hain ham