apne majnun ki zaraa dekh to be-parvaai — Munawar Khan Ghafil

sitaare gum hue khurshid niklaa
araq jab yaar ne ponchhaa jabin se

kucha-e-jaanaan mein yaaro kaun suntaa hai miri
mujh se vaan phirte hain laakhon daad aur be-daad mein

kaun dariyaa-e-mohabbat se utar saktaa hai paar
kashti-e-farhaad aakhir koh se Takraa gai

baad marne ke miri qabr pe aayaa 'ghaafil'
yaad aai mire iisaa ko davaa mere baad

jite-ji qadr bashar ki nahin hoti saahab
yaad aaegi tumhein meri vafaa mere baad

vasl mein bhi nahin majaal-e-sukhan
is rasaai pe naa-rasaa hain ham

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

hain dalilein tire khilaaf magar
sochtaa huun tiri himaayat mein

hamein ye fikr hai laahaq ki aise aalam mein
navaab-zaada na huqqe ko bartaraf kar dein

raahbar rahzan na ban jaae kahin is soch mein
chup khaDaa huun bhuul kar raste mein manzil kaa pataa

tamiz-e-dair-o-kaaba hai na fikr-e-din-o-duniyaa hai
ye rind-e-paak-tinat bhi tire allaah vaale hain