ilaaj ki nahin haajat dil-o-jigar ke liye — Munawwr Badayuni

nazar aati hain su-e-asmaan kabhi bijliyaan kabhi aandhiyaan
kahin jal na jaae ye aashiyaan kahin uD na jaaein ye chaar par

— Munawwr Badayuni

jo dil ko de gai ik dard umr-bhar ke liye
taDap rahaa huun abhi tak main us nazar ke liye

— Munawwr Badayuni

pichhe muD muD kar na dekho ai 'munavaar' baDh chalo
shahr mein ahbaab to kam hain sage bhaai bahut

— Munawwr Badayuni

ab kunj-e-lahad mein huun mayassar nahin aansu
aayaa hai shab-e-hijr kaa ronaa mire aage

— Munawwr Badayuni

'munavaar' main ne jab dil par nazar ki
munavvar ik charaagh-e-tur dekhaa

— Munawwr Badayuni

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

zindagi ke bahut qarib na jaa
faasla kuchh to apne dhyaan mein rakh

— Akmal Imaam