ho gayā huuñ maiñ naqāb-e-rū-e-raushan par faqīr — Shayari Of Muneer Shikohabadi

ustād ke ehsān kā kar shukr 'munīr' aaj
kī ahl-e-suḳhan ne tirī tārīf baḌī baat

jaatī hai duur baat nikal kar zabān se
phirtā nahīñ vo tiir jo niklā kamān se

sarsoñ jo phūlī dīda-e-jām-e-sharāb meñ
bint-ul-anab se karne lagā shoḳhiyāñ basant

bosa hoñToñ kā mil gayā kis ko
dil meñ kuchh aaj dard mīThā hai

ehsān nahīñ ḳhvāb meñ aa.e jo mire paas
chorī kī mulāqāt mulāqāt nahīñ hai

āñkheñ ḳhudā ne baḳhshī haiñ rone ke vāste
do kashtiyāñ milī haiñ Dubone ke vāste

tamannā dard-e-dil kī ho to kar ḳhidmat faqīroñ kī
nahīñ miltā ye gauhar bādshāhoñ ke ḳhazīnoñ meñ

zamīr-e-lāla mai-e-lāl se huā labrez
ishāra paate hī suufī ne toḌ dī parhez

ye masā.il-e-tasavvuf ye tirā bayān 'ġhālib'
tujhe ham valī samajhte jo na bāda-ḳhvār hotā

ḳhudāvandā ye tere sāda-dil bande kidhar jaa.eñ
ki darveshī bhī ayyārī hai sultānī bhī ayyārī

kise ḳhabar ki safīne Dubo chukī kitne
faqīh o suufī o shā.ir kī nā-ḳhush-andeshī

hakīm o aarif o suufī tamām mast-e-zahūr
kise ḳhabar ki tajallī hai ain-e-mastūrī