sarsoñ jo phūlī dīda-e-jām-e-sharāb meñ — Shayari Of Muneer Shikohabadi

ehsān nahīñ ḳhvāb meñ aa.e jo mire paas
chorī kī mulāqāt mulāqāt nahīñ hai

ho gayā huuñ maiñ naqāb-e-rū-e-raushan par faqīr
chāhiye tah-band mujh ko chādar-e-mahtāb kā

jaatī hai duur baat nikal kar zabān se
phirtā nahīñ vo tiir jo niklā kamān se

mahrūm huuñ maiñ ḳhidmat-e-ustād se 'munīr'
kalkatta mujh ko gor se bhī tañg ho gayā

namāz shukr kī paḌhtā hai jaam toḌ ke shaiḳh
vuzū ke vāste letā hai ābrū-e-sharāb

bosa hoñToñ kā mil gayā kis ko
dil meñ kuchh aaj dard mīThā hai

saare jahāñ se achchhā hindostāñ hamārā
ham bulbuleñ haiñ is kī ye gulsitāñ hamārā

ab ke ham bichhḌe to shāyad kabhī ḳhvāboñ meñ mileñ
jis tarah sūkhe hue phuul kitāboñ meñ mileñ

chalī samt-e-ġhaib siiñ kyā havā ki chaman zuhūr kā jal gayā
magar ek shāḳh-e-nihāl-e-ġham jise dil kaho so harī rahī

vo to ḳhush-bū hai havāoñ meñ bikhar jā.egā
mas.ala phuul kā hai phuul kidhar jā.egā

haa.e zanjīr-shikan vo kashish-e-fasl-e-bahār
aur zindāñ se nikalnā tire dīvāne kā

hinā-e-pā-e-ḳhizāñ hai bahār agar hai yahī
davām-e-kulfat-e-ḳhātir hai aish duniyā kā