ehsān nahīñ ḳhvāb meñ aa.e jo mire paas — Shayari Of Muneer Shikohabadi

ho gayā huuñ maiñ naqāb-e-rū-e-raushan par faqīr
chāhiye tah-band mujh ko chādar-e-mahtāb kā

jaatī hai duur baat nikal kar zabān se
phirtā nahīñ vo tiir jo niklā kamān se

sarsoñ jo phūlī dīda-e-jām-e-sharāb meñ
bint-ul-anab se karne lagā shoḳhiyāñ basant

bosa hoñToñ kā mil gayā kis ko
dil meñ kuchh aaj dard mīThā hai

mahrūm huuñ maiñ ḳhidmat-e-ustād se 'munīr'
kalkatta mujh ko gor se bhī tañg ho gayā

ustād ke ehsān kā kar shukr 'munīr' aaj
kī ahl-e-suḳhan ne tirī tārīf baḌī baat

ab ke ham bichhḌe to shāyad kabhī ḳhvāboñ meñ mileñ
jis tarah sūkhe hue phuul kitāboñ meñ mileñ

takiya-e-maḳhmalī sirhāne rakh
lekin āñkhoñ siiñ apnī ḳhvāb nikāl

hamārā ishq ravāñ hai rukāvaToñ meñ 'zafar'
ye ḳhvāb hai kisī dīvār se nahīñ ruktā

bārhā terā intizār kiyā
apne ḳhvāboñ meñ ik dulhan kī tarah

yā rab hameñ to ḳhvāb meñ bhī mat dikhā.iyo
ye mahshar-e-ḳhayāl ki duniyā kaheñ jise

yahī hai zindagī kuchh ḳhvāb chand ummīdeñ
inhīñ khilaunoñ se tum bhī bahal sako to chalo