koThe pe chehra-e-pur-nur dikhaayaa sar-e-shaam — Muneer Shikohabadi

khuub taazir-e-gunaah-e-ishq hai
naqd-e-jaan lenaa yahaan jurmaana hai

sunti hai roz naghma-e-zanjir-e-aashiqaan
vo zulf bhi hai silsila-e-ahl-e-chisht mein

jis roz main gintaa huun tire aane ki ghaDiyaan
suraj ko banaa deti hai sone ki ghaDi baat

haath milvaate ho tarsaae gilauri ke liye
kaf-e-afsos na mal jaae kahin paanv mein

jab kabhi maski kaTori kyaa sadaa paidaa hui
karti hai angiyaa ki chiDiyaa chahchahaane ki havas

ho gayaa maamur aalam jab kiyaa darbaar-e-aam
takhliya chaahaa to duniyaa saaf khaali ho gai

jab ki pahlu se yaar uThtaa hai
dard be-ikhtiyaar uThtaa hai

khud apni shai pe adhuraa hai ikhtiyaar mujhe
giraa to saktaa huun aansu uThaa nahin saktaa

chashm-e-giryaan ki aabyaari se
dil ke daaghon pe phir bahaar aai

go zaraa si baat par barson ke yaaraane gae
lekin itnaa to huaa kuchh log pahchaane gae

shamim-e-pairahan-e-yaar kyaa nisaar karein
tujhi ko dil se lagaa lein tujhi ko pyaar karein

chashm o rukhsaar ke azkaar ko jaari rakkho
pyaar ke naame ko doharaao ki kuchh raat kaTe