diye ab shahr mein raushan nahin hain — Naseem Sahar

aavaazon ki bhiiD mein itne shor-sharaabe mein
apni bhi ik raae rakhnaa kitnaa mushkil hai

lafz bhi jis ahd mein kho baiThe apnaa e'tibaar
khaamushi ko is mein kitnaa mo'tabar main ne kiyaa

ba-naam-e-amn-o-amaan kaun maaraa jaaegaa
na jaane aaj yahaan kaun maaraa jaaegaa

jo yaad-e-yaar se guft-o-shunid kar li hai
to goyaa phuul se khushbu kashid kar li hai

jo baat ki thi havaa mein bikharne vaali thi
jo khat likhaa thaa vo purzon mein baTne vaalaa thaa

kabhi to sard lagaa dopahar kaa suraj bhi
kabhi badan ke liye ik kiran ziyaada hui