jo yaad-e-yaar se guft-o-shunid kar li hai — Naseem Sahar

aavaazon ki bhiiD mein itne shor-sharaabe mein
apni bhi ik raae rakhnaa kitnaa mushkil hai

lafz bhi jis ahd mein kho baiThe apnaa e'tibaar
khaamushi ko is mein kitnaa mo'tabar main ne kiyaa

ba-naam-e-amn-o-amaan kaun maaraa jaaegaa
na jaane aaj yahaan kaun maaraa jaaegaa

jo baat ki thi havaa mein bikharne vaali thi
jo khat likhaa thaa vo purzon mein baTne vaalaa thaa

diye ab shahr mein raushan nahin hain
havaa ki hukmaraani ho gai kyaa

kabhi to sard lagaa dopahar kaa suraj bhi
kabhi badan ke liye ik kiran ziyaada hui

jab ki pahlu se yaar uThtaa hai
dard be-ikhtiyaar uThtaa hai

agar itni muqaddam thi zarurat raushni ki
to phir saae se apne pyaar karnaa chaahiye thaa

miri har baat pas-manzar se kyuun mansub hoti hai
mujhe aavaaz si aati hai kyuun ujDe dayaaron se

samjheinge na aghyaar ko aghyaar kahaan tak
kab tak vo mohabbat ko mohabbat na kaheinge

qahr hai zahr hai aghyaar ko laanaa shab-e-vasl
aise aane se to behtar hai na aanaa shab-e-vasl

gulshan-e-khuld mein har-chand ki dil bahlaayaa
kucha-e-yaar magar dil se bhulaayaa na gayaa