aavaazon ki bhiiD mein itne shor-sharaabe mein — Naseem Sahar

lafz bhi jis ahd mein kho baiThe apnaa e'tibaar
khaamushi ko is mein kitnaa mo'tabar main ne kiyaa

ba-naam-e-amn-o-amaan kaun maaraa jaaegaa
na jaane aaj yahaan kaun maaraa jaaegaa

jo yaad-e-yaar se guft-o-shunid kar li hai
to goyaa phuul se khushbu kashid kar li hai

jo baat ki thi havaa mein bikharne vaali thi
jo khat likhaa thaa vo purzon mein baTne vaalaa thaa

diye ab shahr mein raushan nahin hain
havaa ki hukmaraani ho gai kyaa

kabhi to sard lagaa dopahar kaa suraj bhi
kabhi badan ke liye ik kiran ziyaada hui

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

aage kuchh baDh kar milegi masjid-e-jaame 'riyaaz'
ik zaraa muD jaaiyegaa mai-kade ke dar se aap

rindon ko paabandi-e-duniyaa kahaan
kashti-e-mai ko nahin langar ki chaah

maston mein phuuT paD gai aate hi yaar ke
laDtaa hai aaj shishe se shisha sharaab kaa

jaam-e-aqiq zard hai nargis ke haath mein
taqsim kar rahaa hai mai-e-arghavaan basant