nishaan raahi ke raahon pe ho na ho lekin — Navin Joshi

ranj yuun raah-e-masaafat mein mile
kuchh kamaae kuchh viraasat mein mile

— Navin Joshi

rah gae kitne kirdaar bhitar mire
mere bhitar miraa qaafila rah gayaa

— Navin Joshi

yahi daaimi mashghala hai hamaaraa
nai chiiz le lo puraani milaa do

— Navin Joshi

is dafa to zindagi jaldi mein thi
kah do agli baar fursat mein mile

— Navin Joshi

mohabbat faqat lafz thaa ek khaali
ye kis ne kahaa thaa maaani milaa do

— Navin Joshi

kuchh vaqt zaraa aur nahar duudh ki legi
farhaad ko tesha nahin manzur huaa hai

— Navin Joshi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

yuun to maujud apne ghar mein hai
aadmi mustaqil safar mein hai

— Saleem Amrohvi

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui