Navin Joshi

bakhsh mujh ko na adhuri koi ne.amat maula
ya to dariya hi de puura ya to sahra saara

is dafa to zindagi jaldi men thi
kah do agli baar fursat men mile

mohabbat faqat lafz tha ek khali
ye kis ne kaha tha ma.ani mila do

vo niind mili hai ki jo puuri nahin hoti
vo khvab mila hai ki jo ma.azur hua hai

kya zaruri hai ye iqrar ki muhtaj rahe
ham mohabbat ko yuun lachar karen bhi ki nahin

na jazbat se ye safar tai hua
na dil se kabhi ye zaban tak ga.e

ranj yuun raah-e-masaafat mein mile
kuchh kamaae kuchh viraasat mein mile

rah gae kitne kirdaar bhitar mire
mere bhitar miraa qaafila rah gayaa

yahi daaimi mashghala hai hamaaraa
nai chiiz le lo puraani milaa do

is dafa to zindagi jaldi mein thi
kah do agli baar fursat mein mile

nishaan raahi ke raahon pe ho na ho lekin
nishaan raahon ke aksar mileinge raahi pe

kuchh vaqt zaraa aur nahar duudh ki legi
farhaad ko tesha nahin manzur huaa hai