mohabbat faqat lafz thaa ek khaali — Navin Joshi

ranj yuun raah-e-masaafat mein mile
kuchh kamaae kuchh viraasat mein mile

rah gae kitne kirdaar bhitar mire
mere bhitar miraa qaafila rah gayaa

yahi daaimi mashghala hai hamaaraa
nai chiiz le lo puraani milaa do

is dafa to zindagi jaldi mein thi
kah do agli baar fursat mein mile

nishaan raahi ke raahon pe ho na ho lekin
nishaan raahon ke aksar mileinge raahi pe

kuchh vaqt zaraa aur nahar duudh ki legi
farhaad ko tesha nahin manzur huaa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

harjaaiyon ke ishq ne kyaa kyaa kiyaa zalil
rusvaa rahe kharaab rahe dar-ba-dar rahe

duniyaa mein koi ishq se bad-tar nahin hai chiiz
dil apnaa muft dijiye phir ji se jaaiye

ishq ne paidaa kiyaa hai ek dil
husn vaalo ek jalvaa chaahiye

taufiq jin ko maasiyat-e-ishq ki nahin
ai rahmat-e-tamaam gunahgaar vo bhi hain