na itnā zulm kar ai chāñdnī bahr-e-ḳhudā chhup jā — Nazeer Akbar Abadi

ham haal to kah sakte haiñ apnā pa kaheñ kyā
jab vo idhar aate haiñ to tanhā nahīñ aate

go safedī mū kī yuuñ raushan hai juuñ āb-e-hayāt
lekin apnī to isī zulmāt se thī zindagī

qismat meñ gar hamārī ye mai hai to sāqiyā
be-iḳhtiyār aap se shīsha karegā jast

yuuñ to ham the yūñhī kuchh misl-e-anār-o-mahtāb
jab hameñ aag dikhā.e to tamāshā niklā

ishq kā duur kare dil se jo dhaḌkā ta.avīz
is dhaḌāke kā koī ham ne na dekhā ta.avīz

jo ḳhushāmad kare ḳhalq us se sadā raazī hai
sach to ye hai ki ḳhushāmad se ḳhudā raazī hai

sunā hai vo mire baare meñ sochtā hai bahut
ḳhabar to hai hī magar mo'tabar zyāda nahīñ

kitne nādāñ haiñ tire bhūlne vaale ki tujhe
yaad karne ke liye umr paḌī ho jaise

zamāna saḳht kam-āzār hai ba-jān-e-asad
vagarna ham to tavaqqo zyāda rakhte haiñ

raat yuuñ dil meñ tirī khoī huī yaad aa.ī
jaise vīrāne meñ chupke se bahār aa jaa.e

maiñ ne majnūñ pe laḌakpan meñ 'asad'
sang uThāyā thā ki sar yaad aayā

is zindagī meñ itnī farāġhat kise nasīb
itnā na yaad aa ki tujhe bhuul jaa.eñ ham