vaqt ik zarb lagaae to ghazal hoti hai — Rabia Sultana Nashad

'naashaad' na koi naghma hai ye dard bharaa ik naala hai
kyaa samjhe koi dard-e-jigar jab choT na dil par khaai ho

— Rabia Sultana Nashad

mire liye shab-e-mahtaab ik qayaamat hai
tum aao chaand sitaaron mein dil nahin lagtaa

— Rabia Sultana Nashad

tiri duniyaa mein rah kar kyaa kareinge
khudaayaa umr bhar royaa kareinge

— Rabia Sultana Nashad

dekhi thiin kabhi main ne bhi barkhaa ki bahaarein
ab TuuTe hue dil ko khudaaraa na dukhaao

— Rabia Sultana Nashad

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi