mile do vaqt ki roTi sukun se niind aa jaae — Raghvendra Dwivedi

vo ishaara kar ke pichhe haT gayaa thaa ek din
us ishaare ko samajhne mein lagaa huun aaj tak

pahle to bolte hain bharosa hai aap par
phir ye bhi chaahte hain vafaa kaa hisaab duun

be-had qarib hone kaa nuqsaan ye bhi hai
dikhtaa nahin hai vo jo zaruri hai dekhnaa

aansu nikal ke aankh se palkon pe ruk gae
ghar chhoDne ke vaqt ThiThakte hain paanv bhi

zindagi se tang aa kar khud-kushi kar li kisi ne
aur koi khud-kushi kartaa rahaa hai zindagi-bhar

shahr ke pakke makaanon mein daraarein aa gaiin
gaanv ke kachche gharon ki niinv pakki thi bahut