zindagi se tang aa kar khud-kushi kar li kisi ne — Raghvendra Dwivedi

main zaraa saa kyaa khulaa vo khud simaTne lag gayaa
jo kahaa kartaa thaa mujh se khul ke kyon milte nahin

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

jis ne kiyaa hai qatl vahi chikh chikh kar
sab se ye kah rahaa hai ki qaatil pata karo

shahr ke pakke makaanon mein daraarein aa gaiin
gaanv ke kachche gharon ki niinv pakki thi bahut

vo ishaara kar ke pichhe haT gayaa thaa ek din
us ishaare ko samajhne mein lagaa huun aaj tak

aag se rishta hai meraa aur dariyaa bhi hai apnaa
aae din donon ke jhagDe mein ulajh kar rah gayaa huun

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

guzarti hai maze se vaaizon ki zindagi ab to
sahaaraa ho gayaa hai diin duniyaa-daar logon kaa

kar murattab kuchh nae andaaz se apnaa bayaan
marne vaale zindagi chaahe to afsaane mein aa

hans ke nahin to ro ke bhi umr guzar hi jaaegi
aaj se khair yuun sahi mujh ko khayaal thaa ki yuun