aansu nikal ke aankh se palkon pe ruk gae — Raghvendra Dwivedi

vo ishaara kar ke pichhe haT gayaa thaa ek din
us ishaare ko samajhne mein lagaa huun aaj tak

pahle to bolte hain bharosa hai aap par
phir ye bhi chaahte hain vafaa kaa hisaab duun

be-had qarib hone kaa nuqsaan ye bhi hai
dikhtaa nahin hai vo jo zaruri hai dekhnaa

zindagi se tang aa kar khud-kushi kar li kisi ne
aur koi khud-kushi kartaa rahaa hai zindagi-bhar

khaak se paidaa huaa hai khaak mein mil jaaegaa
ek kulhaD ki tarah hai aadmi ki zindagi

shahr ke pakke makaanon mein daraarein aa gaiin
gaanv ke kachche gharon ki niinv pakki thi bahut

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

baarish ke baa'd raat saDak aaina si thi
ik paanv paaniyon pe paDaa chaand hil gayaa

nur-e-sahar kahaan hai agar shaam-e-gham gai
kab iltifaat thaa ki jo khu-e-sitam gai

koi shikva na gham na koi yaad
baiThe baiThe bas aankh bhar aai