ab zabaan tak aa gaiin hai talkhiyaan — Renu Nayyar

shisha-sifat the aap aur shisha-sifat the ham
bikhre hue se aap hain bikhre hue se ham

kisi bhi hashr se mahrum hi rahaa vo bhi
miri tarah kaa jo kirdaar thaa kahaani mein

abhi manzar badalte hi badal jaaeinge sab chehre
bichhaDte vaqt kaa gham hai abhi tu nam na kar aankhein

khudaa se use maang kar dekhte hain
phir apni duaa kaa asar dekhte hain

tiri nazron se guzri rahguzar bhi
hazaaron manzilon kaa raasta hai

chiTiyaan chalne lagi hain piiTh mein
ab tumhaaraa tiir chalnaa chaahiye