tiri nazron se guzri rahguzar bhi — Renu Nayyar

ab zabaan tak aa gaiin hai talkhiyaan
ab hamein fauran nikalnaa chaahiye

shisha-sifat the aap aur shisha-sifat the ham
bikhre hue se aap hain bikhre hue se ham

kisi bhi hashr se mahrum hi rahaa vo bhi
miri tarah kaa jo kirdaar thaa kahaani mein

abhi manzar badalte hi badal jaaeinge sab chehre
bichhaDte vaqt kaa gham hai abhi tu nam na kar aankhein

khudaa se use maang kar dekhte hain
phir apni duaa kaa asar dekhte hain

chiTiyaan chalne lagi hain piiTh mein
ab tumhaaraa tiir chalnaa chaahiye

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein aise kai marhale bhi aate hain
har ek moD pe kuchh log chhuT jaate hain

yuun to maujud apne ghar mein hai
aadmi mustaqil safar mein hai

yaad aai hai to phir TuuT ke yaad aai hai
koi guzri hui manzil koi bhuli hui dost

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa