abhi manzar badalte hi badal jaaeinge sab chehre — Renu Nayyar

ab zabaan tak aa gaiin hai talkhiyaan
ab hamein fauran nikalnaa chaahiye

— Renu Nayyar

shisha-sifat the aap aur shisha-sifat the ham
bikhre hue se aap hain bikhre hue se ham

— Renu Nayyar

kisi bhi hashr se mahrum hi rahaa vo bhi
miri tarah kaa jo kirdaar thaa kahaani mein

— Renu Nayyar

khudaa se use maang kar dekhte hain
phir apni duaa kaa asar dekhte hain

— Renu Nayyar

tiri nazron se guzri rahguzar bhi
hazaaron manzilon kaa raasta hai

— Renu Nayyar

chiTiyaan chalne lagi hain piiTh mein
ab tumhaaraa tiir chalnaa chaahiye

— Renu Nayyar

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif