jins-e-vafaa kaa dahr mein baazaar gir gayaa — S A Mehdi

in mein kyaa farq hai ab is kaa bhi ehsaas nahin
dard aur dil kaa zaraa dekhiye yaksaan honaa

— S A Mehdi

mustaqil ab bujhaa bujhaa saa hai
aakhir is dil ko ye huaa kyaa hai

— S A Mehdi

donon hon kaise ek jaa 'mehdi' surur-o-soz-e-dil
barq-e-nigaah-e-naaz ne gir ke bataa diyaa ki yuun

— S A Mehdi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi