tum ne kaisaa ye raabta rakkhaa — Saadullah Shah

apni sochein safar mein rahti hain
us ko paane ki justuju dekho

mujh saa koi jahaan mein naadaan bhi na ho
kar ke jo ishq kahtaa hai nuqsaan bhi na ho

tu ruke yaa na ruke faisla tujh par chhoDaa
dil ne dar khol diye hain tiri aasaani ko

tu na rusvaa ho is liye ham ne
apni chaahat pe daaera rakkhaa

aise lagtaa hai ki kamzor bahut hai tu bhi
jiit kar jashn manaane ki zarurat kyaa thi