apni sochein safar mein rahti hain — Saadullah Shah

mujh saa koi jahaan mein naadaan bhi na ho
kar ke jo ishq kahtaa hai nuqsaan bhi na ho

tum ne kaisaa ye raabta rakkhaa
na mile ho na faasla rakkhaa

tu ruke yaa na ruke faisla tujh par chhoDaa
dil ne dar khol diye hain tiri aasaani ko

tu na rusvaa ho is liye ham ne
apni chaahat pe daaera rakkhaa

aise lagtaa hai ki kamzor bahut hai tu bhi
jiit kar jashn manaane ki zarurat kyaa thi

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

faasle aise bhi honge ye kabhi sochaa na thaa
saamne baiThaa thaa mere aur vo meraa na thaa

main ne ye soch ke boe nahin khvaabon ke darakht
kaun jangal mein uge peD ko paani degaa

ye pahlaa ishq hai tumhaaraa soch lo
mire liye ye raastaa nayaa nahin

qatl karne kaa iraada hai magar sochtaa huun
tu agar aae to haathon mein jhijak paidaa ho