jaur-e-aflaak ki shirkat ki zarurat kyaa hai — Safdar Mirzapuri

ghar to kyaa ghar kaa nishaan bhi nahin baaqi 'safdar'
ab vatan mein kabhi jaaeinge to mehmaan honge

— Safdar Mirzapuri

ik nigaah-e-ghalat-andaaz sahi
dil ki aakhir koi qimat hogi

— Safdar Mirzapuri

qismaton se milaa hai dard hamein
kahin aaraam-e-dil na ho jaae

— Safdar Mirzapuri

qimat-e-jins-e-vafaa nim-nigaahi tauba
aisi baatein na karein aap ki saudaa na bane

— Safdar Mirzapuri

zaraa vo khaak mein milne na de khun-e-shahidaan ko
khudaa taufiq de itni zamin-e-ku-e-jaanaan ko

— Safdar Mirzapuri

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar