paighaam zindagi ne diyaa maut kaa mujhe — Safi Lakhnavi

janaaza rok kar meraa vo is andaaz se bole
gali ham ne kahi thi tum to duniyaa chhoDe jaate ho

— Safi Lakhnavi

ghazal us ne chheDi mujhe saaz denaa
zaraa umr-e-rafta ko aavaaz denaa

— Safi Lakhnavi

banaavaT ho to aisi ho ki jis se saadgi Tapke
ziyaada ho to asli husn chhup jaataa hai zevar se

— Safi Lakhnavi

miri naash ke sirhaane vo khaDe ye kah rahe hain
ise niind yuun na aati agar intizaar hotaa

— Safi Lakhnavi

dekhe baghair haal ye hai iztiraab kaa
kyaa jaane kyaa ho parda jo uTThe naqaab kaa

— Safi Lakhnavi

khatm ho jaate jo husn o ishq ke naaz o adaa
shaaeri bhi khatm ho jaati nubuvvat ki tarah

— Safi Lakhnavi

kam-umri mein sunet hain
mar jaate hain achchhe log

— Malikzada Javed

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal