manzilein paanv pakaDti hain Thaharne ke liye — Sahir Lakhnavi

kal to is aalam-e-hasti se guzar jaanaa hai
aaj ki raat tiri bazm mein ham aur sahi

— Sahir Lakhnavi

kyuun meri tarah raaton ko rahtaa hai pareshaan
ai chaand bataa kis se tiri aankh laDi hai

— Sahir Lakhnavi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

yuun to maujud apne ghar mein hai
aadmi mustaqil safar mein hai

— Saleem Amrohvi

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb