kal to is aalam-e-hasti se guzar jaanaa hai — Sahir Lakhnavi

manzilein paanv pakaDti hain Thaharne ke liye
shauq kahtaa hai ki do chaar qadam aur sahi

kyuun meri tarah raaton ko rahtaa hai pareshaan
ai chaand bataa kis se tiri aankh laDi hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

nai nahin hai ye tanhaai mere hujre ki
maraz ho koi bhi hai chaaraagar se Dar jaanaa

giraa thaa bojh koi sar se mere
usi ko phir uThaanaa chaahtaa huun

ye maanaa shisha-e-dil raunaq-e-baazaar-e-ulfat hai
magar jab TuuT jaataa hai to qimat aur hoti hai