qadam baDhaa ki abhi duur hai tiri manzil — Saib Tonki

nigaah mein koi manzil na koi samt-e-safar
havaa khamosh hai kashti kaa baadbaan chup hai

— Saib Tonki

mili to un se magar fursat-e-nazar na mili
phir us ke baa'd khud apni hamein khabar na mili

— Saib Tonki

aa tujhe meri qasam mushkil miri aasaan kar
ziist kaa har marhala dushvaar hai tere baghair

— Saib Tonki

miraa maqaam har ik dil mein hai judaagaana
agar yaqin nahin huun to ehtimaal huun main

— Saib Tonki

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

yuun to maujud apne ghar mein hai
aadmi mustaqil safar mein hai

— Saleem Amrohvi