nigaah mein koi manzil na koi samt-e-safar — Saib Tonki

qadam baDhaa ki abhi duur hai tiri manzil
shikast-e-aabla-paai hai khaar ki had tak

mili to un se magar fursat-e-nazar na mili
phir us ke baa'd khud apni hamein khabar na mili

aa tujhe meri qasam mushkil miri aasaan kar
ziist kaa har marhala dushvaar hai tere baghair

miraa maqaam har ik dil mein hai judaagaana
agar yaqin nahin huun to ehtimaal huun main

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

jo nahin hai vaqt kaa ham-safar use subh-o-shaam ki kyaa khabar
ho kisi kaa vaqt pe kyaa asar bhalaa vaqt kis kaa ghulaam hai

kisi alaav kaa shoala bhaDak ke boltaa hai
safar kaThin hai magar ek baar aakhiri baar