miraa maqaam har ik dil mein hai judaagaana — Saib Tonki

qadam baDhaa ki abhi duur hai tiri manzil
shikast-e-aabla-paai hai khaar ki had tak

nigaah mein koi manzil na koi samt-e-safar
havaa khamosh hai kashti kaa baadbaan chup hai

mili to un se magar fursat-e-nazar na mili
phir us ke baa'd khud apni hamein khabar na mili

aa tujhe meri qasam mushkil miri aasaan kar
ziist kaa har marhala dushvaar hai tere baghair

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

'umr bhar ki mushkilon ke darmiyaan
tu dhaDaktaa hi rahaa shaabaash dil

saamne taarif ghibat mein gila
aap ke dil ki safaai dekh li

un ki hasrat bhi nahin main bhi nahin dil bhi nahin
ab to 'bekhud' hai ye aalam miri tanhaai kaa

main Thahartaa gayaa rafta rafta
aur ye dil apni ravaani mein rahaa